Խնդիրը հավկիթի տրամագիծն էր

Հանրապետությունում 2014 թվականի նոյեմբերի սկզբին օրական արտադրվող հավկիթի ծավալը կազմում է շուրջ 900 հազար, մինչդեռ օրական սպառումը` 730 հազար: Ավելցուկը հնարավորություն է ընձեռում պահեստավորելու համապատասխան քանակությամբ պարենային ձու, որն ամբողջությամբ կբավարարի ազգաբնակչության պահանջարկը ամանորյա տոներին:

Ընթացիկ տարվա սեպտեմբերից սկսվեց շուրջ 400 հազար վառեկների ձվարկման փուլը, որի սկզբնական փուլում ձուն շատ մանր է, ինչի հետևանքով օրական արտադրվող և իրացվող ձվի մեկ երրորդը կազմում էր փոքր տրամագծով և ցածր գներով ձուն: Հոկտեմբեր ամսից սկսած` իրացվող հավկիթի խմբաքանակում արդեն մեծ տրամագծով և բարձր գին ունեցող արտադրանքի տեսակարար կշիռը սկսեց ավելանալ: Այս հանգամանքով պայմանավորված` հանրապետությունում փոփոխվել են հավկիթի միջին գները:

Ինչ վերաբերում է խոշոր, դիետիկ հավկիթի գներին, ապա դրանք մնացել են անփոփոխ:

ՀՀ Գյուղատնտեսության նախարարություն