Դատախազությունը «օրենքով» գող Զապին կալանավորելու միջնորդությամբ դիմել է դատարան

Yerkir.am-ի տեղեկություններով` ՀՀ գլխավոր դատախազությունը դիմել է դատարան` երեկ Խորենացի փողոցում ձերբակալված «օրենքով» գող` Զապ մականվամբ Անդրանիկ Սողոյանին կալանավորելու միջնորդությամբ: Այս տեղեկությունը մեզ հետ զրույցում հաստատեցին նաև ՀՀ գլխավոր դատախազությունից:

Մեր տեղեկություններով` դատարանը դատախազության միջնորդությունը քննարկելու է այսօր: Ամենայն հավանականությամբ, դատախազության միջնորդությունը կբավարարվի, և Սողոյանին կտեղափոխեն «Նուբարաշեն» ՔԿՀ:

Հիշեցնենք, որ շորթում կատարելու և գործարարի սպանության համար Չեխիայի դատարանի կողմից 46-ամյա Սողոյանը հեռակա դատապարտվել է 22 տարվա ազատազրկման: Սողոյանի ձերբակալման մասին տեղյակ են պահել ՀՀ գլխավոր դատախազությանը եւ ՀՀ-ում Ինտերպոլի ԱԿԲ-ին: