Անելու ենք առավելագույնը, որպեսզի ոչ մի հղի կին չտուժի. Հովիկ Աբրահամյան

Կառավարության այսօրվա նիստում ՀՀ աշխատանքի եւ սոցիալական հարցերի նախարար Արտեմ Ասատրյանի ներկայացրած օրակարգային հարցի ժամանակ վարչապետ Հովիկ Աբրահամյանն անդրադարձավ «Ժամանակավոր անաշխատունակության նպաստների մասին» ՀՀ օրենքում փոփոխություններ եր լրացումներ կատարելու հարցին:

Նա հայտարարեց, որ այն չպետք է վնասի ոչ մի աշխատող հղի կնոջ, ապա նշեց, որ վերջին շրջանում օրենքի նախագծի վերաբերյալ միայն դժգոհություններ են հնչում: Նախարարն էլ ասաց, որ խորհրդարանական լսումներ են եղել, հնչել են տարբեր կարծիքներ, եւ որ օրենքի նախագիծը վերջնական տեսքի կբերվի ու նոր կներկայացվի կառավարության հաստատմանը:

Ասատրյանը նշեց նաեւ, որ քննարկումների ընթացքում ստացել են լավ առաջարկներ, ինչին ի պատասխան Հովիկ Աբրահամյանը հայտարարեց. «Ես ոչ մի լավ առաջարկ չեմ լսել, միայն դժգոհություն եմ լսել: Անելու ենք առավելագույնը, որպեսզի ոչ մի հղի կին չտուժի»: