Եռյակի հանրահավաքի մասնակիցների թիվը, ըստ ոստիկանության, նվազել է

Ոչ իշխանական ուժերի կազմակերպած երեկվա հանրահավաքի մասնակիցների թիվը նախորդ` հոկտեմբերի 10-ի հանրահավաքի մասնակիցների թվի համեմատ նվազել է: Ոստիկանության պաշտոնական տվյալների համաձայն`եռյակի երեկվա հանրահավաքին մասնակցել է 14800 քաղաքացի: Այս մասին yerkir.am-ի հետ զրույցում ասաց ՀՀ ոստիկանության հասարակայնության հետ կապերի և լրատվության վարչության պետ Աշոտ Ահարոնյանը:

Վերջինիս խոսքով` հանրահավաքի մասնակիցներից երթի է դուրս եկել 4500 քաղաքացի, սակայն երթի ավարտին նրանց թիվը նվազել է` դառնալով 2000:

Հիշեցնենք, որ ոստիկանության պաշտոնական տվյալներով նախորդ` հոկտեմբերի 10-ի հանրահավաքին մասնակցել էր  16 հազար քաղաքացի: