Ալիև-Սարգսյան հանդիպումից առաջ իրավիճակը սահմանին մի փոքր լարված է. Մովսես Հակոբյան

Հոկտեմբերի 27-ին Փարիզում կայանալու է Հայաստանի և Ադրբեջանի նախագահների հանդիպումը ԼՂ հակամարտության կարգավորման բանակցային գործընթացի շրջանակում` Ֆրանսիայի նախագահ Ֆրանսուա Օլանդի միջնորդությամբ:

Yerkir.am-ի հետ զրույցում ԼՂ պաշտպանության նախարար Մովսես Հակոբյանը նշեց, որ հանդիպումից առաջ չի ցանկանում որևէ կանխորոշում տալ, առավել ևս` հարցի քաղաքական կողմը մեկնաբանել: Հարցին, որ սովորաբար նախագահների հանդիպումից առաջ սահմանին իրավիճակը լարվում է հիմա ի՞նչ իրավիճակ է տիրում, Հակոբյանը հաստատեց, որ այո, իրավիճակը մի փոքր լարված է:

«Ինչպես միշտ` հանդիպումից առաջ մի փոքր լարված է, բայց վերահսկելի է»,-ասաց նա: