Եռյակը եռյակ մնաց

ԱԺ-ում ոչ իշխանականների հանդիպումից հետո լրագրողները ԱԺ ԲՀԿ խմբակցության քարտուղար Նաիրա Զոհրաբյանից փորձեցին պարզել՝ հիմա եռյա՞կ են, թե՞ քառյակ:

Պարզվում է՝ եռյակը եռյակ է մնացել, չնայած, ըստ Զոհրաբյանի, ընդլայնում հնարավոր է:

Պատգամավորը հրաժարվեց մեկնաբանել Զարուհի Փոստանջյանի՝ օրերս արած հայտարարությունները: Նա ասաց, որ Փոստանջյանի հայտարարությունները մասնավոր են, եւ որ «Ժառանգության» պաշտոնական տեսակետը կարող են հայտնել կուսակցության նախագահը, խմբակցության ղեկավարն ու մամուլի քարտուղարը:

Միևնույն ժամանակ, Նաիրա Զոհրաբյանը պաշտպանեց Զարուհի Փոստանջյանի բողոքը` ուղղված ԱԺ նախագահին, ով կրճատել էր պատգամավորի ելույթը Հանրային հեռուստաընկերությամբ հեռարձակվող «Խորհրդարանական ժամ» հաղորդման ժամանակ: «Ես պաշտպանում եմ Զարուհի Փոստանջյանի իրավունքը, որովհետև ոչ ոք իրավունք չունի կրճատելու, մոնտաժելու կամ գրաքննության ենթարկելու պատգամավորի ելույթը, եթե այնտեղ չեն հնչել պատերազմի կոչեր: Ես դա համարում եմ բացարձակապես անընդունելի»,-ասաց նա: