«1915թ. դահճի փոխակերպումը» գրքի հեղինակը կոչ է անում թուրքերին` ճանաչել Ցեղասպանությունը

 Այսօր տեղի ունեցավ ազգությամբ զազա Էրդալ Շահիլի «1915թ. դահճի փոխակերպումը» գրքի շնորհանդեսը:

Շահիլը ծնվել և մեծացել է Գերմանիայում, մասնագիտությամբ շինարար-ինժեներ է: Նրա պապերը Դերսիմից են եղել, 1915-ի ջարդերի ժամանակ փախել են Արևմտյան Հայաստանից: Ցեղասպանության մասին Շահիլն իմացել է ծնողներից: «Գիրքս գրելու համար առիթ է հանդիսացել զարմիկս: Նա Գերմանիայի հայ համայնքի ղեկավարն էր»,- ասաց նա:

Էրդալն այսօրվա միջոցառման ժամանակ կոչ արեց Թուրքիային, որպեսզի առերեսվի պատմական իրականության հետ և ընդունի Ցեղասպանության փաստը: «Դժբախտաբար, հասարակության մեծամասնությանը չի հետաքրքրում այս իրողությունը,  և մի փոքր մասն է պատրաստակամություն հայտնում բարձրաձայնել»,- ասաց Շահիլը, նաև նշեց,  որ իրքը ներողության հետ կապ չունի, քանի որ ներողությունը ոչինչ չի փոխում:

Ծաղիկ Նազարյան
Լուսվարդ Մարկոսյան