Վանում բնակիչների փոխարեն ոստիկանները պաշտպանում են Էրդողանի կուսակիցներին

Քոբանիում ԻՇԻՊ-ի իրականացրած հարձակումների դեմ բողոքի ցույցերի ժամանակ Թուրքիայի տարբեր շրջաններում զոհվեց 23 մարդ, սակայն թուրք ոստիկանները Վանում բնակիչների անվտանգությունն ապահովելու փոխարեն զբաղված են Էրդողանի կուսակիցներին պաշտպանությամբ: Այս մասին հայտնում է T24-ը՝ վկայակոչելով Yeniçağ պարբերականի Անկարայի ներկայացուցիչ Ահմեդ Թաքանին:

Ըստ կայքի՝ քանի որ Վանի ոստիկանների թիվը սահմանափակ է, ոստիկանապետի տեղակալ Սալիմ Ջեբելիօղլուն նրանց հրահանգել է «առաջին հերթին  Էրդողանի կուսակիցներին պաշտպանել», ովքեր ցույցերի ընթացքում մնացել են կուսակցության գրասենյակում: Ոստիկաններին հաջողվել է կուսակցականներին «փրկել» ցույցի ընթացքում ծանր վնասներ կրած շենքից: