Այս պահին Երևանում sett-weather
Փոխարժեքներ 25 10 2025
USD ⚊ $ 383.05
EUR ⚊ € 444.8
RUB ⚊ ₽ 4.7296
GBP ⚊ £ 510.03
GEL ⚊ ₾ 141.19
կարևոր
0 դիտում, 11 տարի առաջ - 2014-10-03 11:11
Քաղաքական

Դեսպան Մարգարյանն իր հավատարմագրերը հանձնեց ԵԽ նախագահ Հերման վան Ռոմպույին

Դեսպան Մարգարյանն իր հավատարմագրերը հանձնեց ԵԽ նախագահ Հերման վան Ռոմպույին

Հոկտեմբերի 2-ին Եվրոպական Միությունում ՀՀ առաքելության ղեկավար, դեսպան Թաթուլ Մարգարյանն իր հավատարմագրերը հանձնեց Եվրոպական Խորհրդի նախագահ Հերման վան Ռոմպույին:

 

Հավատարմագրերի հանձնման արարողությանը հաջորդեց դեսպան Մարգարյանի և Հերման վան Ռոմպույի միջև կայացած առանձնազրույցը, որի ընթացքում զրուցակիցներն անդրադարձան Հայաստան-ԵՄ հարաբերություններին, երկկողմ հետաքրքրություն ներկայացնող մի շարք հարցերի: Շնորհավորելով ՀՀ դեսպանին` Եվրոպական Խորհրդի նախագահը հույս հայտնեց, որ դեսպան Մարգարյանը լավագույնս կնպաստի ՀՀ-ԵՄ երկկողմ հարաբերությունների ամրապնդմանը:

 

Վան Ռոմպույը, անդրադառնալով Հայաստան-ԵՄ հարաբերությունների անցած ճանապարհին, կարևորեց համագործակցության և երկխոսության ոգով դրանց հետագա զարգացումը: Դեսպան Մարգարյանը շնորհակալություն հայտնեց ջերմ ընդունելության համար և հավաստիացրեց, որ պատրաստակամ է ջանքեր գործադրել Հայաստան-ԵՄ հարաբերությունների շարունակական ամրապնդման ուղղությամբ: Եվրոպական խորհրդի նախագահի խնդրանքով դեսպան Մարգարյանը ներկայացրեց ԼՂ հիմնահարցի կարգավորման վերջին զարգացումները, հայ-թուրքական հարաբերություններում և տարածաշրջանում առկա իրավիճակը:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը