«Աշխարհում կուռքը ոչինչ է». ռուսաստանցին գրոտել է Գառնու տաճարի պատին

Հայաստան այցելած ՌԴ քաղաքացի Մաքսիմ Նիկիտենկոն ներկերով գրոտել է հայկական հեթանոսական տաճարի պատերին. հայտնում է Газета.Ru-ն: Այդ մասին գործակալությանը հայտնել են ՀՀ մշակույթի նախարարությունից:

Դա տեղի է ունեցել ուրբաթ օրը: Նիկիտենկոն  աերոզոլային ներկով Գառնու տաճարի պատին գրել է՝ «Աշխարհում կուռքը ոչինչ է»:  Վանդալիզմը նկատել է տաճարի մեկ այլ այցելու և դիմել հսկիչներին: Նա հանձնվել է իրավապահներին: Տաճարի անվտանգության աշխատակիցներից մեկի խոսքերով՝ Նիկիտենկոն, որը 22-23 տարեկան է, բացատրություն չի տվել իր արարքին և չի զղջացել:

ՌԴ քաղաքացուն  սպասվում է խոշոր տուգանք` նվազագույն աշխատավարձի 50-80-ապատիկի չափով: Հայաստանում նվազագույն աշխատավարձը համարվում է 50 հազար դրամը: