Միայն թե պատմական արժեքներից հեռու. Սոս Ջանիբեկյանը` Գառնու տաճարի մոտ սրճարան կառուցելու մասին

Արդեն տեղեկացրել ենք, որ, ՀՀ մշակույթի նախարարության համաձայնությամբ եւ «Պատմամշակութային արգելոց-թանգարան» ՊՈԱԿ-ի գլխավորությամբ, պատրաստվում են Գառնու հեթանոսական տաճարի մոտ սրճարան կառուցել:

Yerkir.am-ի հետ զրույցում դերասան Սոս Ջանիբեկյանը նշեց, որ կուզեր` պատմաբանների, ժողովրդի, հնագետների եւ մեր պատմական արժեքները պահպանողների սրտով լինի ամեն ինչ, քանի որ նրանք Ջանիբեկյանի համար ավելի մեծ արժեքներ են հետապնդում, քան բիզնեսմենները:

«Չնայած գիտեմ, որ փողն ավելի ուժեղ է, քան մնացած արժեքները, ուստի ուզում եմ ընդամենը` որքան հնարավոր է, եթե այն կառուցվի, լինի ճաշակով, հեռու եւ լինի այնպիսի տուրիստական վայր, որ չվնասի այդ արժեքներին, այսինքն` կարողանան գտնել ոսկե միջինը: Պետք է խաղաղությամբ, համերաշխությամբ, իրար սիրել-հարգելով կարողանան լուծում գտնել` մեկը մյուսին փոխզիջումների գնալով»,- ասաց դերասանը: