Իտալական ստորաբաժանումների կազմում ընդգրկված հայ խաղաղապահների գունդը կմեկնի Լիբանան

Այսօր ԱԺ արտաքին հարաբերությունների մշտական հանձնաժողովը քննարկեց ՀՀ և Իտալիայի կառավարությունների միջև կնքված տեխնիկական համաձայնագիրը, համաձայն որի` իտալական ստորաբաժանումների կազմում ընդգրկված հայկական խաղաղապահների զորագունդը կուղարկվի Լիբանան: Հանձնաժողովի անդամները միաձայն կողմ քվեարկեցին, և համաձայնագիրն ընդգրկվեց քառօրյայի օրակարգում:

ՀՀ պաշտպանության փոխնախարար Արա Նազարյանը նշեց, որ իտալական ստորաբաժանումների կազմում ընդգրկված գնդում են 30 հայ զինծառայողներ և երկու սպա: Ֆինանսնական պարտավորությունները հոգալու է ՄԱԿ-ը: Իտալական կողմը հայկական զորախմբին կաջակցի ռազմական կեցության և սննդի մասով: