Մուշում հայերի միություն է հիմնվել

Մուշում հայերի համերաշխության, սոցիալական և զբոսաշրջության «Տարոն» միությունն է հիմնվել:

Ըստ Haberler-ի՝ միության պաշտոնական բացմանը ներկա է եղել Ֆրանսիայից ժամանած Օբսեթ Բաթփինյանը:

«Մեր երեխաները չէին հավատում, որ նախկինում մենք այստեղ էինք ապրում: Ծնողներս միշտ ասում էին՝ «եթե մի օր գնաս Մուշ, ազատ գնա»: Այս իսկ պատճառով շատ երջանիկ եմ: Վարդո շրջանին կից Չայչաթը գյուղն իմ հոր և մեծ հոր գյուղն է: Նրանք տարիներ առաջ այդ գյուղում են ապրել»,- ասել է նա:

Միության անդամներից Արմեն Գալստյանը հայտնել է, որ միության նպատակը երկու ժողովուրդների եղբայրությանը նպաստելն է, և չկա այլ նպատակ:

Միության բացմանը ներկա են գտնվել նաև Թուրքիայի ընդդիմադիր Ժողովրդա-հանրապետական կուսակցության Մուշի մասնաճյուղի նախագահ Իսմայիլ Ադանուրն ու բազում այլ հյուրեր: