Քիմ Քարդաշյանն էլ է հայ, ինչո՞ւ եք նրա հետույքին նայում. թուրք հաղորդավարը՝ իրեն քննադատած հեռուստադիտողին

Թուրքիայում իր համարձակ ելույթներով հայտնի հաղորդավար Մուրաթ Բարդաքչըն Habertürk ալիքով հեռարձակվող «Պատմության հետևի սենյակը» ծրագրի ժամանակ ցուցադրել է ֆրանսահայ երգիչ Շառլ Ազնավուրի տեսահոլովակներից մեկն ու հնչեցրել նրա՝ «Sur Ma Vie» երգը, որից հետո արժանացել է ներկաների քննադատությանը:

Ըստ Haberler-ի՝ հայկական ծագումով երգչին անդրադառնալու համար  թուրք հաղորդավարի էլեկտրոնային հասցեին եկել են քննադատական հաղորդագրություններ, որոնց նա պատասխանել է ուղիղ եթերում:

Հեռուստադիտողներից մեկի վիրավորական քննադատությանը, թե ի՞նչ իրավունքով է հայի մասին տեսահոլովակ ցուցադրում և հայերեն երգեր հնչեցնում, հաղորդավարը վրդովված պատասխանել է. «Հիմա'ր, նախ ասեմ՝ երգը ֆրանսերեն է, երգիչն է հայ: Իսկ ի՞նչ տարբերություն: Քիմ Քարդաշյանն էլ է հայ, բա ինչո՞ւ եք նրա մեծ հետույքին նայում»: