Ռուսաստանը Դոնբասի բնակչությանը կտրամադրի հումանիտար օգնություն. Պուտին

ՌԴ նախագահ Վլադիմիր Պուտինը հայտարարել է, որ Ռուսաստանը պատրաստ է հումանիտար օգնություն հատկացնել Դոնբասի բնակչությանը, որը տառապում է հումանիտար աղետից. հայտնում  է РИА Новости-ն՝ Կրեմլի մամուլի ծառայությանը հղումով։

«Ռուսական կողմը, իր հերթին, պատրաստ է և կցուցաբերի հումանիտար օգնություն Դոնբասի բնակչությանը, որը տառապում է հումանիտար աղետից»,- ասվում է հաղորդագրությունում։

ՌԴ նախագահը նաև կոչ է արել աշխարհազորայիններին` հումանիտար միջանցք բացել շրջափակված զինծառայողների համար, որպեսզի նրանք հնարավորություն ունենան դուրս գալու մարտերի շրջաններից։

Հիշեցնենք, որ ռուսական մարդասիրական օգնությամբ առաջին բեռնատարները Լուգանսկ էին հասել նախորդ շաբաթ: