Նալբանդյանը Սերժ Սարգսյանի նամակը կհանձնի Էրդողանին. թուրքական մամուլ

Թուրքական Star թերթը Հայաստանի ԱԳ նախարար Էդվարդ Նալբանդյանի՝ Անկարա այցելության մասին «Պայուսակում նամակով է գալիս» վերնագրով նյութ է հրապարակել:

Համաձայն նյութի հեղինակ Զեյնեփ Թուղրուլի՝ Էրդողանի նախագահական երդման արարողությունից հետո կայանալու է նորընտիր վարչապետ Ահմեդ Դավութօղլուի եւ Էդվարդ Նալբանդյանի` արդեն նշանակված հանդիպումը։

Ըստ նրա՝ Նալբանդյանը Դավութօղլուին փոխանցելու է Էրդողանին ուղղված` Սերժ Սարգսյանի նամակ-հրավերը՝ ներկա գտնվել 2015 թվականի ապրիլի 24-ին Երեւանում հիշատակման արարողությանը, ինչպես նաև ուղերձ է ներկայացվելու` առանց նախապայմանների բանակցությունների սեղանի շուրջ նստելու եւ սառեցված արձանագրություններին նոր շունչ հաղորդելու առաջարկով։