Ինքնաթիռը կարող էր ընկնել Անկարայի վրա. օդաչուն պլանշետով խաղ էր խաղում

Հնդկաստանի «Jet Airways» ավիաընկերությանը պատկանող ինքնաթիռն անցյալ ուրբաթ կարող էր ընկնել Թուրքիայի մայրաքաղաքի վրա. հայտնում է haqqin.az-ը՝ վկայակոչելով թուրքական ԶԼՄ-ը:

Տեղեկության համաձայն՝  թուրք դիսպետչերի զգոնության շնորհիվ ողբերգությունը կանխվել է:

Ինքնաթիռի մեջ են եղել շուրջ 300 ուղևոր: Թռչելով Անկարայի վրայով՝ այն  շեշտակի նվազեցրել է բարձրությունը: Այդ ժամանակ  ինքնաթիռի գլխավոր օդաչուն, վստահելով  տեխնիկային, քնած է եղել, իսկ երկրորդ օդաչուն այդ ժամանակ պլանշետով է խաղացել:

 Հնդկաստանի քաղաքացիական ավիացիայի կազմակերպությունը հեռացրել է երկու օդաչուներին աշխատանքից և հետաքննություն է սկսել: