Սեյրան Օհանյանը քիչ հավանական է համարում հրադադարի լիարժեք պահպանումը Սոչիի հանդիպումից հետո

Այսօր լրագրողների հետ հանդիպման ժամանակ ՀՀ Պաշտպանության նախարար Սեյրան Օհանյանն անդրադարձել է Սոչիում  օգոստոսի 8-9-ին ՀՀ և Ադրբեջանի նախագահների միջև հանդիպմանը:

Նա կարծիք է հայտնել, որ քիչ հավանական է ակնկալել լիարժեք խաղաղություն և հրադադարի լիարժեք պահպանում Սոչիի հանդիպումից հետո:

«Այս ժամանակահատվածում, նաև Սոչիի հանդիպումից հետո ՀՀ զինուժը մշտապես պետք է լինի իր  դիրքերում:  ԼՂՀ պաշտպանության բանակը պետք է օրըստօրե բարձրացնի  իր  մարտունակությունը, նրանց գործողությունները ցույց են տալիս, որ ավելի քան պատրաստ են ցանկացած գործողության արձագանքելու»,- ասաց Սեյրան Օհանյանը:

ՀՀ Պաշտպանության նախարարը նշեց, որ  լարված իրավիճակի հիմնական պատճառը Ադրբեջանի ղեկավարության վարած քաղաքականությունն է:, որը քաղաքական միջոցառումներից ու քաղաքական հանդիպումներից առաջ, ընթացքում կամ հետո լարված իրավիճակ է փորձում ստեղծել` փորձելով ազդել  միջազգային հանրության վրա :