Ազգային ժողովի պատգամավորների համար ճամփորդական մեծ շրջան է սկսվել

«Հայկական ժամանակը» գրում է. «Միայն երեկվա դրությամբ խորհրդարանական երեք պատվիրակություններ գտնվում էին տարբեր երկրներում: Նախ, երեկվանից սկսվեց Միջխորհրդարանական միության այցը Միացյալ Թագավորություն, որը կտևի մինչև հուլիսի 11-ը:

Հուլիսի 4-ին սկսվել է ֆրանկոֆոնիայի պատվիրակության այցը Կանադա՝ Մարգարիտ Եսայանի գլխավորությամբ, որը նախատեսված է մինչև հուլիսի 10-ը: Նախօրեին Աժ նախագահ Գալուստ Սահակյանի գլխավորած մի մեծ պատվիրակություն մեկնել էր Ռուսաստանի Դաշնություն: Սրանք միայն պատվիրակություններն են՝ մասնավոր այցերը չհաշված:

Հիշեցնենք, Աժ նախագահը պատգամավորներին արգելել էր նիստերի օրերին գործուղումների մեկնել, քանի որ քվորումի խնդիր էր առաջանում: Ու հիմա, երբ նման խնդիր չկա, պատգամավորները, ինչպես երևում է, որոշել են «տեղը հանել»»:

Մանրամասները՝ թերթի այսօրվա համարում։