Պուտինը ստորագրել է գազի, նավթամթերքի և ալմաստների` ՀՀ մաքսազերծ առաքման մասին համաձայնագիրը

Արդեն հայտնել ենք, որ ՌԴ Դաշնային խորհուրդը հունիսի 25-ին վավերացրել է Հայաստանի հետ միջկառավարական համաձայնագիրը բնական գազի, նավթամթերքի ու չմշակված բնական ալմաստների մատակարարման ոլորտում համագործակցության մասին:

Ինչպես հայտնում է Лента.ру-ն, համապատասխան համաձայնագիրը  ստորագրել է նաև ՌԴ նախագահ Վլադիմիր Պուտինը:

Համաձայնագիրը նախատեսում է այդ ապրանքների մաքսազերծ առաքման կազմակերպում  մինչ Հայաստանի՝ եվրասիական ինտեգրացիոն տարածքին միանալը:  

Ըստ համաձայնագրի՝ ռուսական կողմը արտահանման մաքսատուրքեր չի գանձում  ներքին սպառման ծավալներով նավթամթերքի ու գազի առաքման համար դեպի Հայաստան, դա վերաբերում է նաև ալմաստներին:  

Արգելվում է այդ ապրանքների վերաարտահանումը երրորդ երկրներ: