Հովիկ Աբրահամյանը դեմ չէ Քոչարյանի վերադարձին

Այսօր վարչապետ Հովիկ Աբրահամյանը,  լրագրողների հետ զրույցում պատասխանելով Yerkir.am-ի հարցին` ծանո՞թ է, արդյոք, Ռոբերտ Քոչարյանի փաստարկված մեկնաբանություններին, որը երկրորդ նախագահը ներկայացրել էր Yerkir.am-ի հետ զրույցում, նշեց, որ  վերջին երկու օրերին եղել է Արցախում, բայց  իրեն զեկուցել են այդ հարցազրույցի մասին:

«Ամեն դեպքում յուրաքանչյուր ողջամիտ առաջարկի պատրաստ ենք արձագանքել: Դեռ չեմ ծանոթացել այդ արձագանքներին: Եթե անհրաժեշտություն լինի դրանք կհամադրեմ ու լրացուցիչ բացատրություն անպայման կտամ»,- ասաց վարչապետը:

Yerkir.am-ի դիտարկմանը, որ, ըստ որոշ տեսակետների, Քոչարյանը վերադառնում է, Հովիկ Աբրահամյանը պատասխանեց. «Իսկ ո՞ւր էր գնացել, որ վերադառնում է»: Պատասխանեցինք, որ խոսքը ակտիվ քաղաքականության մասին է, վարչապետն արձագանքեց. «Իր գործն է: Ակտիվ քաղաքականություն, որը նպաստում է երկրի զարգացմանը, մենք ուրախ կլինենք յուրաքանչյուր անձի մուտքը քաղաքականություն»:

Հարցին` նաեւ Քոչարյանի՞, Հովիկ Աբրահամյանը պատասխանեց. «Յուրաքանչյուր անձի... Ինչո՞ւ եք զարմանում»: