Դաշնային խորհուրդը չեղյալ է համարել Ուկրաինայում ռուսական զորք կիրառելու որոշումը

ՌԴ Դաշնային խորհուրդը, նախագահ Վլադիմիր Պուտինի առաջարկով, չեղյալ է համարել Ուկրաինայի տարածքում ՌԴ զինված ուժերի կիրառման մասին որոշումը. հայտնում է Газета.Ru-ն:

Տեղեկության համաձայն՝ կողմ է քվեարկել 153 սենատոր, դեմ է արտահայտվել մեկը:

Հիշեցնենք, սակայն, որ, ըստ Ведомости-ի պարբերականի, անգամ Դաշնային խորհրդի համաձայնության դեպքում Պուտինը  չի զրկվի Ուկրաինա զորք մտցնելու իրավունքից: Բանն այն է, որ Ռուսաստանում մինչ օրս գործում է թույլտվություն, որը Դաշնային խորհուրդը 2009-ին տվել էր Դմիտրի Մեդվեդևին: Այդ ժամանակ Մեդվեդևը, ով երկրի նախագահն էր, ստացել է «սահմաններից դուրս զինված ուժերն օպերատիվ օգտագործելու անժամկետ իրավունք»: