Դուք փորձում եք խոտանել ԱԺ բնականոն աշխատանքը. Սահակյանը՝ Զուրաբյանին

Այսօր մեկնարկեց Ազգային ժողովի արտահերթ նիստը: Գրանցվել է 108 պատգամավոր:

Մինչ քվեարկությունը աշխատանքի և սոցիալական հարցերի նախարար Արտեմ Ասատրյանը հայտարարություն արեց: Նա ասաց, որ առաջին ընթերցմամբ կուտակային կենսաթոշակների մասին օրենքի նախագծում հաշվի են առնվել պատգամավորների նկատառումներն ու առաջարկությունները, մասնավորապես հստակեցվել են մի շարք խմբագրական խնդիրներ` «կուտակային ֆոնդ» «պարտադիր» արտահայտությունների վերաբերյալ:

այնուհետև վարման կարգով ձայն խնդրեց ՀԱԿ խմբակցության ղեկավար Լևոն Զուրաբյանը, ով պահանջեց 20 րոպե ընդմիջում` քննարկելու, թե ինչու է ԱԺ նախագահ Գալուստ Սահակյանը «սիստեմատիկ կերպով խախտում կանոնակարգը»:

Սահակյանն այսպես արձագանքեց Զուրաբյանին. «Դուք փորձում եք ձախողել, խոտանել Ազգային ժողովի բնականոն աշխատանքը: Ես փորձում եմ ապահովել բնականոն աշխատանք»:

Այնուհետև Գալուստ Սահակյանը հայտարարեց 20 րոպե ընդմիջում: