Աշխարհազորայինները և զինվորականները հայտնում են Դոնեցկում զոհերի մասին

Առնվազն 2 աշխարհազորային է զոհվել, ևս 7-ը վիրավորվել է Դոնեցկի շրջանի Յամպոլ ավանի համար մղվող մարտում: Այս մասին РИА Новости-ին հայտնել են Սլավյանսկի աշխարհազորայինները:

«Բայց զոհերի և վիրավորների թիվը կարող է ավելի մեծ լինել»,- ասել են նրանք:

Աշխարհազորայիններին հաջողվել է մարտի ընթացքում խփել 1 տանկ և 4-5 դեսանտային մարտական մեքենա: Սակայն, ի վերջո, նրանք ստիպված են եղել նահանջել Յամպոլ ավանից:

Իր հերթին, Ուկրաինայի պաշտպանության նախարարությունը հայտնել է, որ Դոնեցկի շրջանի Յամպոլ և Զակատնոյե բնակավայրերի մոտ մղվող ծանր մարտերում զոհվել է 4 զինծառայող, 20 զինծառայող ստացել է տարբեր աստիճանի մարմնական վնասվածքներ: