Տենդերի մասնակցին մարզպետն ու նրա կողմնակիցներն ահաբեկել, սպառնացել, հորդորել են հետ կանգնել մրցույթից

«Հրապարակը» գրում է. «Արագածոտնի մարզի Ձորագլուխ գյուղի ջրագծերի հիմնանորոգման համար վերջերս մրցույթ է հայտարարվել, և տենդերում՝ 17 միլիոն դրամ առաջարկով, հաղթող է ճանաչվել մարզպետի ընտանիքին պատկանող շինարարական ընկերությունը:

Ձորագլուխ գյուղում բոլորը գիտեն, որ շահողը մարզպետի ոչ պակաս հայտնի եղբոր՝ Նաիրի Սահակյանի շինարարական ընկերությունն է: Ուշագրավն այն է, որ մրցույթին մասնակցել է ավելի պակաս՝ 12 մլն-ով աշխատանքներն իրականացնելու հայտ ներկայացրած մի ընկերություն, որի սեփականատիրոջը մարզպետն ու նրա կողմնակիցներն ահաբեկել, սպառնացել, հորդորել են հետ կանգնել մրցույթից, և նա ենթարկվել է ճնշումներին:

Գյուղի ՀՀԿ-ական գյուղապետ Արսեն Ավդալյանը կեսբերան հերքեց այս լուրերը, ասելով, որ ընդամենը մի կազմակերպություն է մասնակցել մրցույթին»։

Շարունակությունը՝ թերթի այսօրվա համարում։