Փաստաբանի հետ կատարված միջադեպին առնչությամբ ծառայողական քննություն է նշանակվել

ՀՀ ոստիկանապետ Վլադիմիր Գասպարյանի կարգադրությամբ` ծառայողական քննություն է նշանակվել հունիսի 14-ին Սևան քաղաքի քննչական բաժնում տեղի ունեցած միջադեպի կապակցությամբ: Այս մասին yerkir.am-ին հայտնեցին ՀՀ ոստիկանության հասարակության հետ կապերի և լրատվության բաժնից:

Նշենք, որ այդ օրը քննչական գործողությունների ժամանակ քննիչ Ա. Մարտիրոսյանը և քննչական բաժնի պետ Վարդանյանը, անվայել պահվածք դրսևորելով, խոչընդոտել են ՀՀ Փաստաբանների պալատի անդամ Ինեսա Պետրոսյանի մասնագիտական գործունեությանը: Միջադեպի արդյունքում կտրուկ վատացել էր Պետրոսյանի վստահորդ Անահիտ Մկրտչյանի ինքնազգացողությունը, և նա ուշագնաց էր եղել: