Անվարձահատույց օգնություն. Ուկրաինան ԵՄ-ից 250 միլիոն եվրո է ստացել

Եվրամիությունը 250 միլիո եվրո անվարձահատույց օգնություն է հատկացրել Ուկրաինային: Այս մասին հայտնում է dni.ru-ն: Ուկրաինայի պետության զարգացան նպատակով երկրին հատկացվելիք ընդհանուր օգնությունը կկազմի 355 միլիոն եվրո:

Առաջին դրամական փոխանցումը կատարվել է այն բանից հետո, երբ երկիրը կատարել է պայմանագրով նախատեսված չորս ընդհանուր պայմանը (պետական քաղաքականություն, մակրոտնտեսական կայունություն, պետական ֆինանսների կառավարում և բյուջեի թափանցիկություն):

Երկրորդ փոխանցումը ակնկալվում է 2015-ի երկրորդ եռամսյակում և կկազմի 105 միլիոն եվրո: Որպեսզի ԵՄ-ն Ուկրաինային փոխանցի այդ գումարը, երկիրը պետք է ձեռքբերումներ արձանագրի կոռուպցիայի դեմ պայքարի, պետական գնումների, տեղեկատվության ազատության, պետական ֆինանսների կառավարման, ինչպես նաև քաղծառայության համակարգի, Սահմանադրության և ընտրական իրավունքի բարեփոխման ոլորտներում: