Մունդիալ 2014. մեկնարկային խաղը հաղթական էր բրազիլացիների համար

Բրազիլիայում մեկնարկեց ֆուտբոլի  աշխարհի 20-րդ առաջնությունը: Մեկնարկային խաղում տանտերերը մրցեցին Խորվաթիայի ընտրանու հետ:

Արդեն 11-րդ րոպեին Մարսելոյի ինքնագոլի շնորհիվ խորվաթներն առաջ անցան հաշվի մեջ: Մինչ ընդմիջման գնալը բրազիլացիները հավասարեցրեցին հաշիվը: 29-րդ րոպեին Նեյմարը հեռու տարածությունից գրավեց մրցակցի դարպասը: 71-րդ րոպեին  11 մետրանոց հարվածն անվրեպ իրացնելուց հետո Նեյմարը ձևակերպեց դուբլ: Ավելացված ժամանակում Օսկարը 3-րդ գնդակն ուղարկեց խորվաթների դարպասը: Հանդիպումն այդպես էլ ավարտվեց ՝ 3:1:

Նշենք, որ A խմբի մյուս հանդիպումը տեղի կունենա արդեն այսօր՝ 20:00-ին: Կմրցեն Մեքսիկայի և Կամերունի հավաքականները: