«Իհարկե, սահմանին կարող են լինել նման դեպքեր». Կիսելյովը` հայ զինվորների զոհվելու մասին

Այսօր ռուս հեռուստամեկնաբան Դմիտրի Կիսելյովը Ազգային ժողովում լրագրողների հետ զրույցում պատասխանել է ընդամենը մեկ հարցի. թե ինչու՞, իր կարծիքով, ՀԱՊԿ անդամ Ռուսաստանը «ձայն չի հանում», երբ հայ-ադրբեջանական սահմանին հայ զինվորներ են զոհվում ադրբեջանական դիպուկահարների գործողությունների հետևանքով:

«Իհարկե, սահմանին կարող են լինել նման դեպքեր: Ամբողջ աշխարհում սահմանին տեղի ունեցող նման դեպքերը համարվում են ողբերգական միջադեպեր, որոնք չեն պահանջում պատերազմի սկիզբ: Վատ խաղաղությունը ավելի լավ է, քան բարի վեճը, ուստի կողմերը պետք է բանակցեն: Ես կարծում եմ, որ Հայաստանի համար խաղաղությունը գերակա խնդիր է, անգամ եթե սահմանին դուք կորցնում եք ձեր զինվորներին, և անգամ եթե նման անհանգիստ վիճակ է սահմանին»,- ասաց Դմիտրի Կիսելյովը: