Տաթևիկ Հովհաննիսյանը հանդես կգա հայաստանյան համերգներով

Հուլիսի 4-ին Ալ. Սպենդիարյանի անվան օպերայի և բալետի ազգային ակադեմիական թատրոնում համերգով հանդես կգա հայտնի ու սիրված ջազ երգչուհի Տաթեւիկ Հովհաննիսյանը:

Համերգի կազմակերպիչ «Azd production»-ից yerkir.am-ին հայտնեցին, որ Հովհաննիսյանը համերգով հանդես կգա նաև Գյումրիում, որտեղ հունիսի 30-ին ելույթ կունենա «Ջազը եւ Գյումրին» նախագծի շրջանակներում: Իսկ հուլիսի 2-ին Հովհաննիսյանը համերգով հանդես կգա Ստեփանակերտում:

«Կհնչեն հին ու սիրված գործեր, հայկական ժողովրդական երգերի մշակումներ, կլինեն նաև նոր երգեր: Ի դեպ, սպասվում է անակնկալ, որի մասին, բնականաբար, չենք ասի»,- ասաց «Azd production»-ի ներկայացուցիչը:

Երգչուհին Հայաստան է գալիս իր թիմով: