Լսելով ԼՂՀ-ի և ՀՀ-ի միջև մաքսակետի մասին հարցը` Հովիկ Աբրահամյանն անխոս հեռացավ

Այսօր` ՀՀԿ ԳՄ նիստից առաջ, yerkir.am-ի խնդրանքով անդրադառնալով սահմանին նկատվող լարվածությանը, վարչապետ Հովիկ Աբրահամյանն ասաց, որ տեղյակ է իրավիճակից, մասնավորապես` այսօրվա դեպքից, զրուցել է պաշտպանության նախարարի հետ, նա էլ մանրամասն ներկայացրել է իրավիճակը:

Ըստ վարչապետի` ամեն ինչ վերահսկողության տակ է: Ներկա իրավիճակում թեև կա լարվածություն, բայց Հովիկ Աբրահամյանը համաձայն չէ, որ դա լրագրողների ներկայացրածի աստիճան է: Թե ինչո՞վ է պայմանավորված այս լարվածությունը, վարչապետի տեղեկացմամբ, հիմա հստակեցնում են:

«Անպայման կզեկուցեն մեզ, առայժմ պատճառները հայտնի չեն, տարբեր մեկնաբանություններ կան»,- ասաց Հովիկ Աբրահամյանը:

Լսելով մեր այն հարցը, թե ՀՀ-ի և ԼՂՀ-ի միջև մաքսակետ տեղադրվելո՞ւ է, Հովիկ Աբրահամյանը հեռացավ՝ այն թողնելով անպատասխան: