Վալերի Օսիպյանի եղբորորդին կալանավորվեց

Երևանի քաղաքի Էրեբունի և Նուբարաշեն վարչական շրջանների ընդհանուր իրավասության դատարանը բավարարել է Երևանի փոխոստիկանապետ Վալերի Օսիպյանի եղբորորդու` 22-ամյա Սեդրակ Օսիպյանի խափանման միջոցը կալանավորումն ընտրելու միջնորդությունը: Այս մասին ֆոտոլրագրող Գագիկ Շամշյանին հայտնել է ՀՀ Դատական դեպարտամենտի Միջազգային համագործակցության և հանրային կապերի ծառայության պետ Արսեն Բաբայանը:

Նա նշել է, որ նախնական կալանքը կիրառվել է մեղադրյալի բացակայությամբ: Այսինքն` երբ նախաքննության մարմինը հայտնաբերի մեղադրյալին, պարտավոր է կալանավորման որոշումը բերել դատարան վերահաստատման:

Հիշեցնենք, որ shamshyan.com-ի տեղեկություններով` հունիսի 2-ին, ոստիկանության քննչական գլխավոր վարչության Երևանի քննչական վարչության Էրեբունու քննչական բաժնի քննիչ Արմեն Մաթևոսյանի գլխավորությամբ, նույն բաժնի քննչական խումբը խուզարկություններ է կատարել Նուբարաշեն վարչական շրջանում բնակվող Երևանի փոխոստիկանապետ Վալերի Օսիպյանի եղբոր և նույն համայնքի բնակիչ Սարգիս Հովհաննիսյանի բնակարաններում:

Մանրամասները` սկզբնաղբյուր կայքում: