Օսիպյանի խիղճը հանգիստ է

Բոլորը, ովքեր կարգ են խախտել եւ խախտում են, միանշանակ ենթարկվելու են օրենքով պատասխանատվության. այսօր Երեւանի քաղաքապետարանի առջեւ անցկացվող բողոքի հերթական ակցիայի ժամանակ հայտարարեց Երեւանի փոխոստիկանապետ Վալերի Օսիպյանը: Հիշեցնենք, որ արդեն մի քանի ակտիվիստներ բերման են ենթարկվել, եւ Օսիպյանի խոսքից պարզ երեւում է, որ նոր բերման ենթարկվողներ են լինելու:

Ի պատասխան Yerkir.am-ի թղթակցի հարցադրման, փոխոստիկանապետը հայտարարեց, որ բերման են ենթարկվելու շատ ակտիվ, աչքի ընկնող ակտիվիստները, ովքեր հրահրում են այս ամենը:

Մեր այն հարցին էլ, թե` Ձեր խիղճը հանգիստ է, Օսիպյանը պատասխանեց, որ իր խիղճը հանգիստ է, որովհետեւ իրենք առաջնորդվում են օրենքով: