Թաքսիմ հրապարակի շուրջ կենտրոնացել են ոստկանության ջոկատներ և հատուկ տեխնիկա

Թուրքիայի վարչապետ Ռեջեփ Թայիփ Էրդողանը երիտասարդ թուրքերին կոչ է արել չնշել Պոլսի Թաքսիմ հրապարակում զանգվածային բողոքի ակցիաների 1-ամյակը: Այս մասին հայտնում է BBC-ն: Թաքսիմի շուրջ արդեն կենտրոնացել են ոստիկանության ջոկատներ, հատուկ տեխնիկա, այդ թվում` ջրցան մեքենաներ:

Պոլսի Գեզի այգու վերակառուցման ծրագրերի դեմ բողոքի ակցիաներն անցյալ տարի վերաճեցին հակակառավարական զանգվածային ցույցերի, այնուհետև` ոստիկանության հետ բախումների: Անկարգությունների հետևանքով մահացավ մի քանի մարդ, հազարավորները ստացան վնասվածքներ:

Հիշեցնենք, որ օրերս մահացել էր նաև 64-ամյա Էլիֆ Չերմիքը, որը կոմայի մեջ էր ընկել դեկտեմբերին անցկացված ցույցերից մեկի ժամանակ իր դեմ կիրառված արցունքաբեր գազի հետևանքով: