Ռուսաստանաբնակ հայ բասկետբոլիստները Երևանում են

«ArmBasket Union»-ի նախաձեռնությամբ` Երեւան են ժամանել Ռուսաստանում բնակվող մի խումբ  հայ շնորհալի բասկետբոլիստներ, ովքեր «Յունիոն» թիմի անվան տակ մասնակցում են Հայաստանի գավաթի խաղարկությանը:

Երեւանում են գտնվում Եվգենի Շեգոյանը, Կիրիլ Հարությունյանը, Միքայել Պողոսյանը, Ալբերտ Թադեւոսյանը, Մհեր Պետրոսյանը եւ Կոնստանին Միրզոյանցը: Ռուսաստանում նրանք հաջողությամբ հանդես են եկել տարբեր ակումբներում, իսկ Հայաստանում գտնվում են ժամանակավորապես. տեղեկացնում է մարզաձևի Հայաստանի ֆեդերացիայի պաշտոնական կայքը:: 

Հայ բասկետբոլիստները պատրաստ են ապագայում համալրել Հայաստանի տարբեր տարիքային հավաքականները, իսկ Կոնստանտին Միրզոյանցը, ով հանդես է գալիս ռուսական «Տամբով»-ում, ընդգրկվել է Հայաստանի 3x3 բասկետբոլի հավաքականում, որը հուլիսին Հունգարիայում մասնակցելու է Եվրոպայի առաջնության ընտրական փուլին: