Պաոլո Կոելյոն էջ է բացել «ВКонтакте» սոցիալական ցանցում

Բրազիլացի հռչակավոր գրող, «Ալքիմիկոսը» գրքի հեղինակ Պաոլո Կոելյոն էջ է բացել «ВКонтакте» ռուսական սոցիալական ցանցում: Այս մասին հայտնում է lenta.ru-ն` վկայակոչելով «ВКонтакте»-ի հաղորդագրությունը:

Կոելյոյի էջում տեղադրված է տեսանյութ, որում գրողն ասում է, որ «ВКонтакте»-ում լինելն իր համար շատ կարևոր է: Գրողը հույս ունի, որ իր գրքերի հրատարակչատունը կթարմացնի սոցիալական ցանցի էջը, կամ էլ ընկերները կօգնեն` թարգմանելով իր գրառումները:

«ВКонтакте»ում Կոելյոյի առաջին ընկերը եղել է սոցիալական ցանցի մամուլի ծառայության ղեկավար Գրիգորի Լոբուշկինը: Նա նշել է, որ բրազիլացի գրողի էջի մասին դեռ շատ քչերը գիտեն, ուստի դեռ ամեն ինչ առջևում է, և շուտով Կոելյոն բազմաթիվ ընկերներ կգտնի «ВКонтакте»-ի օգտատերերի շրջանում: