Ծանրամարտ. հայ մարզիկները պատրաստվում են աշխարհի երիտասրդական առաջնությանը

Այս օրերին ծանրամարտի երիտասարդական հավաքականը՝ ավագ մարզիչ Մելիք Ղուկասյանի ու  նրա օգնական Հակոբ Փիլոսյանի գլխավորությամբ, ուսումնամարզական հավաք է անցկացնում Ծաղկաձորում: Մեր տղաները նախապատրաստվում են հունիսի 19-29 Կազանում տեղի ունենալիք աշխարհի առաջնությանը: Ծանրամարտի Հայաստանի ֆեդերացիայի պաշտոնական կայքին մեծահասակների հավաքականի գլխավոր մարզիչ Պողոս Պողոսյանը տեղեկացրել է, որ մեր երիտասարդականի վերջնական կազմը պարզ կլինի վերջին հավաքից հետո:

«Ծաղկաձորյան հավաքից հետո, որն ավարտվում է մայիսի 26-ին, տղաներին 2-3 օր հանգիստ կտանք, այնուհետև ամսվա վերջից կսկսենք երկրորդ հավաքը Աբովյանում: Երրորդ հավաքը նույնպես կլինի Աբովյանում, որտեղից էլ կմեկնենք մրցավայր»,- հայտնել է Պողոս Պողոսյանը: