Կաննում ուկրաինացի լրագրողը փորձել է մտնել դերասանուհու շրջազգեստի տակ (լուսանկարներ)

Կաննի կինոփառատոնի 3-օրը նշանավորվել է սկանդալով. գրում է Комсомольксая правда-ն:

Միջադեպը տեղի է ունեցել «Ինչպես վարժեցնել վիշապին- 2» ֆիլմի պրեմիերայի ժամանակ:  «Անճոռնի Բեթին» սերիալի աստղ Ամերիկա Ֆերերան ներկայացել է  ճերմակ զգեստով՝ չկռահելով անգամ՝ ինչ է իրեն սպասվում: Երեկոյի թեժ պահին ուկրաինական «1+1» հեռուստաալիքի թղթակից Վիտալի Սեդյուկը դուրս է պրծել ոստիկանների շրջափակումից ու մոտեցել աստղերին։ Նա պառկել է գետնին, բարձրացրել դերասանուհու զգեստը և գլուխը մտցրել նրա շրջազգեստի տակ:

Դերասանուհին անչափ շփոթվել է: Անվտանգության աշխատակիցներն արագ հեռացրել են ուկրաինացի լրագրողին: Ֆրանսիական ոստիկանությանը ձերբակալել է նրան:

Նշվում է, որ Սեդյուկը, ցավոք, վաղուց հայտնի է իր նման պահվածքով: Նա  առաջին անգամ չէ, որ սկանդալներ է սարքում հոլիվուդյան աստղերի մասնակցությամբ տարբեր արարողությունների ժամանակ։