Սկանդալ. Շիրակացու անվան ճեմարանում կարելի է օգտվել միայն «Օրանժ»-ից

«Երևանի Անանիա Շիրակացու անվան ճեմարանի ղեկավարությունն իր աբսուրդային որոշմամբ կարծես ցանկանում է հասնել ու անցնել իշխանություններին: Որքան էլ աբսուրդային հնչի, բայց պարզվում է` ճեմարանի տարածքում միջին և ավագ դպրոցների սաների կողմից բջջային հեռախոսների օգտագործման համար հատուկ կարգ է սահմանվել, ըստ որի, ուշադրություն, աշակերտները ճեմարանի տարածքում կարող են օգտվել բացառապես Օրանժ կապի ծառայութունից: Թե ինչն է ճեմարանի տնօրինությանը ստիպել նման աբսուրդային կարգ սահմանել, կփորձենք դեռեւս պարզել: Բայց որ որոշումն այնքան աբսուրդային է, որ դժվար է նշել բոլոր այն օրենքները, որոնք այս կարգադրությամբ խախտվել են, ակնհայտ է:

Նույն կերպ, տնօրինությունը շատ հանգիստ կարող է աշակերտներին հրահանգել ուտել միայն կոնկրետ գործարանի արտադրության կաթնամթերք, հագնել միայն կոնկրետ խանութից գնված հագուստ եւ այլն: Էլ չասած, որ այս ամենից, մեղմ ասած` կոռուպցիայի հոտ է գալիս»,- գրում  է ilur.am-ը:

Մանրամասները` սկզբնաղբյուր կայքում: