Ինչ ենք արտահանում Ֆրանսիա եւ ինչ ներմուծում Հայաստան

«Արմենիա Մարիոթ»-ում այսօր շարունակվեց հայ-ֆրանսիական տնտեսական համաժողովը: Հիշեցնենք, որ համաժողովն իր աշխատանքները սկսել էր երեկ, որին մասնակցել էին պետական այցով Հայաստանում գտնվող Ֆրանսիայի նախագահ Ֆրանսուա Օլանդը և ՀՀ նախագահ Սերժ Սարգսյանը:

Համաժողովը նպատակ ունի խորացնել գործարար – տնտեսական հարաբերությունները Հայաստանի և Ֆրանսիայի միջև:

Համաժողովի մամլո հաղորդագրությունից տեղեկանում ենք. «2013թ ՀՀ և Ֆրանսիայի միջև ապրանքաշրջանառությունը կազմել է 26,1մլն դոլար, արտահանումը կազմել է 4,3մլն դոլար, իսկ ներմուծումը` 21,8 մլն դոլար: 

ՀՀ-ից Ֆրանսիա արտահանվող հիմնական ապրանքատեսակներն են` իրեր բնական և արհեստական կաշվից, վերարկու, թիկնոց, անձրևանոց, բաճկոն և նման հագուստ տղամարդու կամ տղայի համար, կոստյում, պիջակ, բլայզեր, տաբատ և նման հագուստ տղամարդու կամ տղայի: Ֆրանսիայից Հայաստան ներմուծվող հիմնական ապրանքատեսակներն են` դեղամիջոցներ, օծանելիք և հարդարաջուր, շիշ, բանկա, ամպուլա և ապակե այլ տարողություն: ՀՀ-ում 2013թ. Ֆրնասիայի օտարերկրյա ներդրումները կազմել են 99,1 մլն դոլար»:

ՀՀ-ում ֆրանսիական կապիտալով գործում է ավելի քան 230 ընկերություն` բանկային, կրթության, առողջապահության, հեռահաղորդակցության, էներգետիկայի, խորհրդատվական ծառայության, տուրիզմի ոլորտներում: