95-ամյա կանադուհին՝ թեթև աթլետիկայի աշխարհի առաջնության մասնակից

Ուկրաինական ծագումով 95-ամյա կանադուհի Օլգա Կոտելկոն դարձել է թեթև աթլետիկայի վետերանների աշխարհի առաջնության ամենատարեց մասնակից։ BBC-ի տեղեկացմամբ՝ առաջնությունն անցկացնում է թեթև աթլետիկայի վարպետների համաշխարհային միությունը 35 տարեկանից բարձր անձանց շրջանում։

Օլգա Կոտելկոն թեթև աթլետիկայով սկսել է զբաղվել միայն 77 տարեկանից։ Նա սահմանել է ավելի քան 30 համաշխարհային ռեկորդ և պարգևատրվել 750 ոսկե մեդալով։

95-ամյա կինը վստահեցնում է, որ չգիտի երկարակեցության որևէ գաղտնիք։ «Տարիքը ընդամենը թիվ է ձեր հիշողության մեջ։ Խնդիրը տարիքը չէ, այլ այն, թե ինչպես եք դուք ծերանում։ Իսկ դա շատ առումներով կախված է ընդհանրապես կյանքի նկատմամբ ձեր վերաբերմունքից»,- նշում է Օլգա Կոտելկոն։

Նա մեծացել է գյուղացու ընտանիքում, ունեցել 10 քույր ու եղբայր, որոնք բոլորն էլ արդեն վաճխանվել են։ Օլգան մանկուց զբաղվել է ֆիզիկական աշխատանքով. նրան միշտ հանձնարարում էին կովերին կթել ու կենցաղում կատարել նմանատիպ այլ աշխատանքներ։