Ես կուսակցական չեմ. սպորտի նորանշանակ նախարար

Սպորտի և երիտասարդության հարցերի նորանշանակ նախարար Գաբրիել Ղազարյանը լրատվամիջոցների հետ շփումներում օգտվելու է 100-օրյա լռության իրավունքից: Կառավարության այսօրվա նիստից հետո նա հավաստիացրեց, որ 100 օրից հետո իր ղեկավարած նախարարության աշխատանքը լինելու է շատ թափանցիկ: Իսկ մինչ այդ նորանշանակ նախարարը խոստացավ պատասխանել հրատապ մասնագիտական հարցերին:

Երբ լրագրողները փորձում էին հարց ուղղել նրան կուսակցականության վերաբերյալ` նշելով, թե նորանշանակ նախարարն ասոցացվում է ԲՀԿ-ի հետ, Գաբրիել Ղազարյանն ասաց.` «Ես կուսակցական չեմ, ու սպորտը կուսակցություն չի սիրում, վերջացրե’ք, չկա տենց բան»: Ապա արագ հեռացավ:

Հիշեցնենք, որ Ղազարյանը վերջերս է լքել ԲՀԿ կուսակցությունը՝ ավելորդ խոսակցություններից զերծ մնալու համար: Նա համարվում է Հրաչյա Ռոստոմյանի մտերիմը: