Վահրամ Առաքելյանը` սպորտի եւ երիտասարդության հարցերի նախարար

Երեկ երեկոյան որոշ լրատվամիջոցներում տեղեկություն տարածվեց, թե սպորտի եւ երիտասարդության հարցերի նախարար, ԲՀԿ անդամ Արթուր Պետրոսյանը հրաժարական է տվել:

«Բարգավաճ Հայաստան» կուսակցության առաջնորդ Գագիկ Ծառուկյանի մամուլի խոսնակ Խաչիկ Գալստյանը երեկ «Երկիր»-ին հայտնել էր, թե այդ մասին ինքը տեղեկություն չունի:

Մամուլում անգամ լուրեր շրջանառվեցին, թե Պետրոսյանը երեկոյան` աշխատանքի օրվա ավարտին, աշխատասենյակից հավաքել է իր անձնական իրերը:

Նշենք, որ թեեւ Արթուր Պետրոսյանը դեռ հրաժարական չի տվել, բայց մեր հավաստի աղբյուրների հաղորդմամբ` նա դա կանի մոտ օրերս: Մեզ հայտնի է նաեւ, թե ով է փոխարինելու Պետրոսյանին. նոր նախարար է նշանակվելու Ֆիզիկական կուլտուրայի հայկական պետական ինստիտուտի ռեկտոր Վահրամ Առաքելյանը: