Եվրասիական տնտեսական միության գագաթաժողովին Հայաստանը բարձր մակարդակով մասնակցություն չի նախատեսում. Տիգրան Բալայան

Tert.am-ի հետ զրուցում  ՀՀ ԱԳ նախարարության մամուլի խոսնակ Տիգրան Բալայանն ասել է. «Մինսկում ապրիլի 29-ին կայանալիք՝ Եվրասիական տնտեսական համաժողովին Հայաստանի` բարձր մակարդակով մասնակցություն չի նախատեսվում»:

Բալայանը հավելել է, որ կոնկրետ ԱԳ նախարար Նալբանդյանը վաղը Մինսկ չի մեկնելու, իսկ ՀՀ նախագահի մասնակցության մասին հրաժարվել է տեղեկություն տրամադրել` ասելով, թե այդ մասին կասի նախագահի մամուլի ծառայությունը:

Ուշագրավ է, որ ՀՀ նախագահի պաշտոնական կայքը մինչև այս ժամը որևէ տեղեկություն չի տվել Սերժ Սարգսյանի` վաղը Մինսկ կատարելիք հնարավոր այցի մասին: Մինսկում հիշյալ գագաթաժողովի ժամանակ սպասվում է, որ Հայաստանը կստորագրի Մաքսային միությանը միանալու համաձայնագիրը, ինչը, չի կարող տեղի ունենալ առանց Սերժ Սարգսյանի մասնակցության:

Հատկանշական է, որ ՌԴ տրանսպորտի նախարար Սոկոլովը, ով նաև հայ-ռուսական միջկառավարական հանձաժողովի ղեկավարն է, այսօր Երևանում հայտարարել է, որ վաղը Եվրասիական տնտեսական միության գագաթաժողովին կմասնակցի նաև Սերժ Սարգսյանը: