Հայը Էրդողանին առաջադրում է Նոբելյան մրցանակի

Ստամբուլի հայ համայնքի մեծահարուստ անդամներից Պետրոս Շիրինօղլուն, որը հայտնի է թուրքական իշխանության հետ սերտ տնտեսական և քաղաքական կապերով, հայտարարել է, որ ցանկանում է Թուրքիայի վարչապետին առաջադրել Նոբելյան մրցանակի:

Ընդ որում` Շիրինօղլուն հանդես է եկել ոչ միայն անձամբ իր, այլ Ստամբուլի հայկական համայնքի կողմից:

Նկատենք, որ Շիրինօղլուն իրեն ներկայացնում է, որպես Ստամբուլի հայ համայնքի առաջնորդ, սակայն համայնքում նման պաշտոն չկա: Նա, թերևս, Ստամբուլի ամենահարուստ հայերից մեկն է, մասնավորաբար` ղեկավարում է Ստամբուլի Սուրբ Փրկիչ հիվանդանոցի գործադիր խորհուրդը և հիմնադրամը:

Նշենք նաև, որ Պետրոս Շիրինօղլուն աշխարհում, թերևս, միակ հայն է, ով հերքում է Հայոց ցեղասպանությունը: