Մեր չեզոքությունը շատ կարևոր է ԼՂ գործընթացի համար. Ուորլիք

ԵԱՀԿ ՄԽ ամերիկացի համանախագահ Ջեյմս Ուորլիքը ադրբեջանական Trend-ի հետ զրույցում նշել է, որ Մինսկի խումբն անհանգստացած է հայ-ադրբեջանական զինված ուժերի շփման գծում շարունակվող բռնության դեպքերով։

«Հակամարտող կողմերը պետք է ուշադրություն դարձնեն բռնության նվազեցմանն ու փոխեն հռետորաբանությունը՝ բանակցությունների պայմանների բարելավման համար»,- ասել է նա:

Ուորլիքը նշել է, որ  համանախագահները պատրաստ են ցանկացած օգնություն ցուցաբերել։ «Ես և մյուս համանախագահները մեր ողջ ուշադրությունը սևեռել ենք կողմերին օգնելու հարցի վրա՝ ՄԱԿ-ի կանոնադրության, Հելսինկյան եզրափակիչ ակտի, նախագահների՝ վերջին 5 տարիներին ընդգծած տարրերի հիման վրա հակամարտության արդար և կայուն լուծման հասնելու նպատակով։ Մեր չեզոքությունը շատ կարևոր է այս գործընթացի համար»,- նշել է նա։

Խոսելով Հայաստանի և Ադրբեջանի նախագահների հանդիպման մասին՝ Ուորլիքը նշել է, որ նախագահները համաձայն են բարձր մակարդակով հետագա բանակցությունները շարունակելու անհրաժեշտության հետ։