Հայաստանի առաջնություն. 20-րդ տուր. «Բանանց»-ը շարունակում է հաղթանակների շարքը

Ֆուտբոլի Հայաստանի բարձրագույն խմբի առաջնության 20-րդ տուրում այսօր տեղի ունեցավ 3 հանդիպում: Բոլոր 3 հանդիպումներում խփվեց ընդամենը մեկ գնդակ:

«Բանանց»-ը սեփական հարկի տակ ընդունեց «Գանձասար»-ին: Առաջին խաղակեսի վերջին րոպեին Պետեր Շտեֆանովսկու խփած գնդակը հաղթանակ պարգևեց «Բանանց»-ին: Ժոլտ Հոռնյակի սաները 5-րդ անընդմեջ հաղթանակը տոնեցին:

«Ուլիս»-ը սեփական հարկի տակ զիջեց «Միկա»-ին: Գոլի հեղինակ դարձավ Արթուր Ադամյանը՝ 44-րդ րոպեին: «Ուլիս»-ը կրեց 6-րդ անընդմեջ պարտությունը:

«Արարատ»-ը «Հրազդան» մարզադաշտում մրցեց հետնապահ «Ալաշկերտ»-ի հետ: Աբրահամ Խաշմանյանի սաները միայն խաղավերջում կարողացան հաղթական գոլ խփել: 86-րդ րոպեին Ալեքսանդր Ռակիչը գրավեց մրցակցի դարպասը:

Տուրի կենտրոնական հանդիպումը տեղի կունենա վաղը` «Շիրակ»-ը Գյումրիում կմրցի «Փյունիկ»-ի հետ: