Պուտինը զանգահարել է Օբամային. շոշափվել է Մերձդնեստրի հարցը

ՌԴ և ԱՄՆ նախագահներ Վլադիմիր Պուտինի և Բարաք Օբամայի միջև հեռախոսազրույց է տեղի ունեցել. հայտնում է Կրեմլի մամուլի ծառայությունը։

Նշենք, որ, ի տարբերություն Կրեմլի կայքի, Սպիտակ տան կայքում նշվում է, որ զրույցը կայացել է Պուտինի նախաձեռնությամբ։

Զրույցի ընթացքում Պուտինը խոսել է Կիևում ծայրահեղականների շարունակվող գործողությունների մասին և դիտարկել իրավիճակի կայունացմանն ուղղված` միջազգային հանրության հնարավոր քայլերը։ Կողմերը պայմանավորվել են նաև Քերիի և Լավրովի առաջիկա հանդիպման մասին։ 

 Պուտինը նաև Օբամայի ուշադրութունն է հրավիրել Մերձդնեստրի փաստացի արտաքին շրջափակման վրա և ընդգծել, որ ՌԴ-ն հանդես է գալիս այդ խնդրի արդարացի և ամբողջական կարգավորման օգտին: