Ռուսաստանը խզում է Ուկրաինայի հետ մի շարք համաձայնագրեր

ՌԴ նախագահ Վլադիմիր Պուտինը հանդիպում է ունեցել ՌԴ անվտանգության խորհրդի մշտական անդամների հետ: Որոշվել է սկսել Ուկրաինայի տարածքում Սևծովյան նավատորմի տեղակայման կարգավիճակի և պայմանների մասին համաձայնագրերի խզման գործընթացը: Այդ մասին  հայտարարել է  ՌԴ նախագահի մամուլի քարտուղար Դմիտրի Պեսկովը. հայտնում է РИА Новости-ն:

«Որոշում է կայացվել ռուս-ուկրաինական մի շարք փաստաթղթերի, մասնավորապես՝ 1997-ի մայիսի 28-ին ստորագրված` Սևծովյան նավատորմի բաժանման պարամետրերի, Ուկրաինայի տարածքում ՌԴ Սևծովյան նավատորմի գտնվելու կարգավիճակի և պայմանների մասին համաձայնագրերի խզելու մասին»,- ասել է Պեսկովը: