ՍԴ-ն ինչ որոշում էլ կայացնի, բոլորի համար այն պետք է պարտադիր լինի. Գալուստ Սահակյան

ԱԺ ԲՀԿ խմբակցության պատգամավոր Ստեփան Մարգարյանն այսօր լրագրողների հետ ճեպազրույցում դժվարացավ կանխատեսել, թե ինչ որոշում կկայացնի ՍԴ-ն` կուտակային օրենքի հետ կապված: Նա նշեց, որ, անշուշտ, ունեն ակնկալիքներ ՍԴ-ից, որովհետև եթե չունենային, չէին դիմի ՍԴ-ին: «Հուսով եմ, որ ՍԴ-ն ռացիոնալ կգտնվի ու կկասեցնի պարտադիր բաղադրիչը: Այնուամենայնիվ, առանց հասարակության լայն աջակցության և քաղաքական ուժերի կոնսոլիդացիայի` այդ հարցը չէր հասնի անգամ այն մակարդակի, երբ կառավարությունն ասաց՝ եկեք, խոսենք, քննարկենք: Այնպես որ` ՍԴ-ից ունենք ակնկալիքներ»,- ասաց Ստեփան Մարգարյանը:

Իսկ ԱԺ ՀՀԿ խմբակցության ղեկավար Գալուստ Սահակյանն այս հարցում շատ կարճ գտնվեց. «ՍԴ-ն ինչ որոշում էլ կայացնի, բոլորի համար այն պետք է պարտադիր լինի»: